KRYETARIT TË LIDHJES DEMOKRATIKE TË KOSOVËS

Dr. IBRAHIM RUGOVËS

I nderuari zotëri Kryetar,

Kaloi një decenje nga themelimi i Shoqatës Egjiptiane të Kosovës. Qysh ateherë, e gjegjësisht në kohën e paraqitjes së proceve demokratike, nën prezencën e 200 delagatëve nga viset e ndryshme, me datën 21.10.1990 u mbajtë Kuvendi themelus i Shoqatës së Egjiptianëve të Kosvës në Prishtinë. Ishte ky moment kur përfaqsusit e popullatës sonë vendosën njëzërit që ta shprehin dhe ta ruajnë identitetin etnik Egjiptian i cili u bartë me shekuj brez pas brezi.

Mbi themelimin e Shoqatës sonë, në mënyra të ndryshme njoftuam tërë opinionin brenda dhe jashtë Kosovës. Edhe Kryesia e Juaj ishte e njohur me kohë, por deri më tani besoj se e kuptoi edhe më mirë qëllimin e kësaj lëvizje. Shfrytëzoj rastin që përmes kësaj shkrese t´ iu njoftoj me disa pika më kryesosre të kësaj Lëvizje dhe me disa probleme me të cilat u ballafaqua dhe ballafaqohet kjo Bashkësi nacionale.

Qëllimi i formimit të Shoqatës sonë ishte identifikimi i kësaj Bashkësie etnike - Egjiptiane me perardhje nga Egjipti i lashtë. Hapat e parë i filluam përmes kontakteve tona me puntorë shkencor, në mënyrë që të ndrigojmë etnogjenezeën tonë në trojet e Ballkanit. Disa prej tyre iu përkushtuan me seriozitet hulumtimeve ku me argumente shkencore vërtetuan egzistimin tonë, e posaqërishtë shkenctarët nga Maqedonia : prof. Miodrag Haxhiristiq - doktor i etnologjisë, prof.dr. Stojan Ristevski, Rubin Zemon - etnolog i diplomuar, dr. Pasko Kuzman - arkeolog dhe Luan Dino - linguist nga Shgipëria . Takime të shpeshta patëm me shkenctarë shqiptarë nga Kosova e posaqërisht me prof.dr. Xhyltekin Shehu, prof.dr. Emin Pllana, dr. Fejaz Dranqolli, prof.dr. Skender Rizaj dhe prof.dr. Hakif Bajrami që na dhanë përkrahje duke na premtuar se do të publikojnë ndonjë punim shkencor. Mirëpo, kaluan dhjetë vite e nuk pamë ndonjë publikim e as ndonjë përkrahje përmes mjeteve të informimit. Në të kundërtën mohimet gjejshin vend, por kjo nuk na humbi shpresën, sepse edhe ndër popujt më të mdhenjë ende ka kundërshtime në lidhje me etnogjenezën e tyre. Edhe artikujt tonë të dërguara nuk gjejshin vend në gazeta shqipe. Duke parë këtë mospërfillje Kryesia e Shoqatës sonë Egjiptiane të Kosovës bëri kontakt me ish sekretarin tuaj Mehmet Kraja të cilin e informuam gjërë e gjatë duke e njoftuar mbi organizimin e kësaj popullate dhe ia bëmë me dije se nuk jemi dorë e zgjatur e askujt, por qëllimi kryesor është identifikimi i kesaj Bashkësie etnike si bashkësi e veqantë e cila ka tipare dalluese nga bashkësitë tjera etnike me të cilat jeton me shekuj. Edhe me tutje patëm vështërsi, por ne vazhduam punën pavarsisht dhe botuam disa numra të Revistës sonë.

Lëvizja e Shoqatës sonë Egjiptiane hasi në mirëkuptim në popullin tonë, ku në qdo komunë formuam nga një degë të Shoqatës, e cila Shoqatë më vonë u transformua në Bashkësi Nacionale të Egjiptianëve të Kosovës. Edhepse drejtimi ynë ishte apolitik, qëllim primar kishim që ekzistencën tonë ta internacionalizojmë dhe botës ti tregojmë se jemi kundër manipulimit dhe njësimit me bashkësi tjera etnike të cilave në të vërtet nuk iu takojmë. Ishim për atë që zgjidhja e qështjes së Kosovës të bëhet në mënyrë demokratike dhe paqësore - me dialog , duke i respektuar të drejtat e të gjitha bashkësive nacionale të parapara sipas Konventës ndërkombëtare mbi liritë dhe të drejtat e njeriut.

Vala e luftës e kaploi edhe këtë popullatë e cila nuk ishte palë në luftë. Të gjitha ato që në kohën e fundit i përjetoi populli shqiptarë pjesërisht përjetuam edhe ne. U ballafaquam me shumë malltretime. Të plackitur, të djegur, të kidnapuar dhe të vrarë, pjesa dërmuse e kesaj popullate u detyrua me dhunë t´i lëshojë vatrat e tyre shekullore, e një gjë të tillë nuk e pritëm dhe as që paramenduam nga grupet e ndryshme ekstreme shqiptare.

Ne si popullatë e ndershme në Kosovë, që me mund dhe djersë ne ball fituam kafshatën e gojës dhe përmirsuam standardin tonë, kurr nuk ia deshëm të keqen askujt. Edhe në kohën fundit kur kjo popullatë u sulmua dhe masovikisht u dëbua nga Kosova , ne nuk dëshiruam qe sulmit t´i kundërvehemi me sulm. Por, pse valle të na sulmojnë!? Pse të shprehet mllefi në këtë popullatë të pafajshme kur nuk ishte palë në luftë!? Pse sulmet ende nuk ndalen ?

Tani ne Kosovë mbeti një numër i vogël Egjiptianësh të cilët jetojnë në enkllava, pa liri qarkullimi, pa mbrojtje dhe siguri. Sipas deklaratave të tyre që na i ofrojnë, ata nën presion nuk guxojnë të shprehin identitetin e tyre etnik Egjyptiane. Ish aktivistet tanë: Avdyl Syla, Bajram Uka, Sabit Rrahmani dhe Basri Pecani - Hoxha (themelus të Shoqatës Egjiptiane të Kosovës), nën presionin e Berat Qerimit , kinse "Egjiptianët janë të papërshtatshëm në Kosovë nga popullata shqiptare" , nje pjesë të popullatës Egjiptiane e organizuan të deklarohet me emër lokal pa bazë shkencore - Hashkali.

E kuptoi popullatën që për të shpëtuar jetën , është në gjendje të pranoj qfardo emri të pa bazë, por nuk i kuptoj disa intelektual, e posaçërisht demoktartin me famë botërore - Adem Demaqin,qe gjate një intervise të tjë i përmendi shpesh hashkalitë të çpikur pas lufte, e kurrë nuk i ceku Egjiptianët të cilet u organizuan , punuan një decenje më parë dhe ende punojnë e jetojnë në disa vise të Kosovës ( në komunën e Pejës, Gjakovës , Rahovecit) dhe në disa vende tjera të cilat nuk publikohen. Pra ne këtë menyrë shifet se bëhet obstrukcioni i deklarimit të lirë, gjegjësisht minioritetit Egjiptian që manifestohet në rrafshin e Kosovës.

Nëse dikush e quan veten të vuajtur, atëher duhet ta kuptoi edhe vuajtjen tonë,
e të hidhurën e kaluar mund ta mbulojnë veprat e mira që na bëhen në të ardhmen.

Përkundrazi, ne disa gazeta shqipe hasëm në mirëkuptim në deklaratat e Juaja gjatë vizitës që i bët Pejës dhe Gjakoveës. Vizita dhe fjalët e Juaja ndikuan pozitivisht që edhe Egjiptianët e tjerë të frigësuar të marrin frymë thellë nga zemra, dhe lirisht të deklarohen ashtu siqë u deklaruan dhjetë vite me parë - Egjiptianë.

Duke diturë se Ju jeni lider me principe demokratike, besojmë se do të kemi përkrahje që statusi ynë etnik Egjiptian të definohet pozitivisht - i barabartë me të gjitha bashkësit tjera nacionale ne Kosovë, dhe do to krijoni kushte për kthimin e të gjithë të dëbuarve nga Kosova duke siguruar liri qarkullimi, mbrojtje dhe siguri të plotë.

Me shpresë se do të na mundësoni një takim të afërt,
pranoni përshendetjet tona