Duke u bazuar në qëllimin e publikimit të kësaj faqe në rrjetin e internetit, e pamë të arsyeshme ti bëjmë një vizitë pjestarëve të komunitetit tonë egjiptian në republikën e Nord Vestfalen ku shumica e tyre jetojnë. Përmes kësaj vizite arritëm që të njifemi me hallet, problemet dhe aktivitetet e këtij grupi etnik në qytetin e Gelsenkirchenit. Mirëpo shkaku që na befasoi pozitivisht është se nuk patëm nevoj ti vizitojmë individualisht por arritëm që këta njerëz ti gjejmë të bashkuar në një lokal, në muret e të cilit shënonte emri NEFRETA dhe disa piramida të vizatuara. Ky lokal ishte i hapur që nga Nëntori i vitit 2001 me inciativën e marrur nga Unioni Ballkanik i Egjiptianëve në Evropën Perendimore, ku kryetar i këtij lokali është këngëtari i njohur i popullit tonë LUMI, i cili qysh prej fillimit të kësaj lëvizje u tregua aktivistë dhe patriot i dalluar.

Njeriu i cili nuk e don popullin e vetë dhe nuk punon për të, atëher nuk do të jetë i dashur as nga popujt e tjerë dhe do të njifet si tradhtarë - pra ky është realitet të cilin duhet ta pranojmë.
Këto ishin fjalët e para të M.SH. Lumit që i tha gjatë intervistës sonë.

Redaksia - Pse lokalit tuaj ia dhatë emrin Nefretita.
Lumi - Duke e ditur se Nefretita apo si e quajmë ne Nefreta, ishte një ndër princezat më të bukura të Egjiptit dhe shkaku se ne jemi kranar se jemi me prejardhje nga ky vendë, atëher vendosëm që lokali ynë të quhet Nefreta.
Redaksia - Në lokalin tuaj a takohen vetëm pjestarët e komunitetit Egjiptian apo edhe të tjerë.
Lumi - Po, qëllimi i hapjes së lokalit tonë është që ne të kemi një vendë ku të takohemi dhe të bisedojmë pa i penguar të tjerët,por të mirseardhur janë edhe pjestarët e popujve tjerë e sidomos pjestarët e popullit tonë të cilë dëshirojnë të quhen me emrin Hashkali.

Redaksia - Si e shpjegoni ju këtë ndarje në popullë, ku disa quhen Egjiptian dhe disa të tjerë Hashkali ?
Lumi - Po gjatë bisedave me intelektualë tonë dhe të popujve tjerë kemi ardhë në përfundim se në bazë të shënimeve të hulumtuara komunitetin tonë e lidhë prejardhja nga Egjipti i lashtë ku për këtë temë mundë të flasin njerzit konpetent për këtë drejtim siq janë etnologët, arkeologët, historinët etj.
Redaksia - Por sa bazohet populli ynë në fjalë dhe shenime të këtyre njerzëve që e mirren me prejardhjen e popujve ?
Lumi - Është e vërtetë se disa nga pjestarët e popullit tonë nuk bazohen në këto të dhëna dhe ky është shkaku i ndarjes së popullit ku disa thonë "ne jemi hashkali dhe nuk na intereson prejardhja e jonë se si jemi ardhë në vendet ballkanike". Për mendimin tim tani në kohën demokratike ne mundë ta quajmë veten ashtu si dëshirojmë, por duhet ta argumentojm dhe prapë e ceku se këtë mundë ta argumentojn disa etnolog të cilët janë duke punuar me vite të tëra në këtë dretim.


Redaksia - Si mendoni se këta etnolog mundë ta argumentojnë prejardhjen tonë ?
Lumi - Së pari mendoj se etnologët dhe të gjithë ata të cilët e demantojnë prejardhjen tonë nga Egjipti, le hynë në konfrontim shkencor me ata etnolog dhe intelektual tjerë që e mbrojnë këtë temë, duke e ditur se për shumë popuj jepen vetëm sypozime në lidhje me prejardhjen e tyre.
Redaksia - Qka mendoni sa do të kemi sukses që të njifeni si minoritet me prejardhje Egjiptiane në Kosovë, në vendet tjera të Jugosllavisë, Maqedoni, Shqipëri dhe në ato vende ku kërkojm pranim nacional ?
Lumi - Unë mendoj se sa i përket prejardhjes së popujve, disa popuj ende kanë demantime shkencore në lidhje me prejardhjen e tyre edhe pse prejardhje ae tyre njifet ndoshta me shekuj, pra kjo nuk është një punë e cila nuk kryhet sot për nesër por duhet kohë dhe pëkushtim më të madh në këtë drejtim. Por rëndësi të madhe ka edhe fakti se shumica janë duke e ngatrruar politikën me shkencë, qka është edhe kah e frigon popullin shumë në deklarim të lirë.
Redaksia - Qka është temë e bisedimeve tuaja në lokal ?
Lumi - Temë aktuale e bisedave tone është ardhmëria jonë, njohja e jonë si minoritet, dhe problemet sociale me të cilat ballafaqohet populli ynë në vendlindje - ndihmat humanitare.
Redaksia - A keni dërguar ndihme humanitare popullit Egjiptian në vendëlindje ?
Lumi - Po, ndihma dërguam disa herë e posaqërisht refugjatëve tanë jashtë Kosovës dhe atë mundë ta dokumentojmë.
Redaksia - Qka është mesazhi juaj për popullin tonë ?
Lumi - I lutemi intelektualëve tanë që të bashkohen dhe të punojnë më tepër për ne, që të njifemi edhe ne si minoritet me të gjitha të drejtat e barabarta sikurse popujt tjerë me të cilët jetojmë.

Pra lexues të nderuar kjo ishte një intervistë e shkurtër të cilën e bëmë me M.Sh. Lumin i cili në këtë lokal kishte edhe studion
" Zëri " dhe u jepte mundësi talentëve tanë të muzikës të bënin inqizime të audio kasetave. Në të ardhmen do të mundohemi të kemi prapë intervista të tilla ku do të keni mundësi të njifeni më shumë me këtë minoritet . E.A